خلاف عادت اولطرفدن ظهور ايليان حالت مستوجب هيجان غيرت و حميت شهنشاهانه مزاولوب بفضل الله تعالى كركى كبى گوشمال ويروب رفضهء خاسرنك قلع و قمعى نيتى ايله بغداد طرف لرينه نهضت همايون مز واقع اولمشيدى .
الحالة هذه عساكر نصرت مآثر مزله كلند كده سندن و لشكر هزيمت اثر كدن نام و نشان بلور ميوب ماوراء جبال شامخه دن مختفى اولمش سن بعون الله تعالى و حسن توفيقه قلعهء بغداد ازمدت ايچنده فتح و تسخير اولنمق ميسر اولمغين محافظه سنه دستور اكرم مشير افخم ، نظام العالم ، وزير اعظم مصطفى پاشا ادام الله تعالى اجلاله عسكر اسلام نصرت انجام مزله تعيين اولنوب جلالت مآب مز مرافقت فضل كردگار ايله ديار بكر سمتنه عطف عنان عزيمت قيلمشيزدر . ان شاء الله الملك المستعان عن قريب روان « 1 » و نخجوان و آذربايجان و بالجمله ايران و توران جانب لرين مخيم خيام غزاة نصرت موعود و پايمال خيول جنود ظفر و رود مزاولمق مصمم خاطر همايون مزاولمشدر شويله كه طريقهء اجدادكى مسلوك و گشاده طوتوپ قضاى مافات يچون جلب قلب همايون مزه بذل قدرت اولنور سه ان الله عفو يحب العفو مضموننجه حالات ماضيه ما مضى ذيلى ايله پوشيده و مستور بيور يلوب جدا مجد بزرگوار مز دستور العمل اولمق اوزره رشتهء مصافات عقد اولمنسنه رضاى همايونفر اولمق جائز در و الا وقتكه حاضر اوله سنكه وراء پردهء تقدير ده مختفى اولان صور خير و شر هر نه ايسه منصهء ظهورده جلوهگر اولوب . البادى اظلم مصداقنجه طرفيندن پايمال اولان عجزه و مساكين رعايانك روز جزاده گناه لرى اوزريكه راجع اولوب حضور حقده مظهر عتاب اوله سن بوندن اقدم آستانهء سعادت آشيان مزه ايلچيلك ايله كوندريلان مقصود سلطانك كتوردوكى نامه سنده سر رشتهء احسن معامله اولا حق كلامكز اولما مغله قوت قاهرهء خسروانه مزه لازم اولان مصلحتى بعناية الله تعالى وجوده كتورمك مقرر اولمشدر بوند نصكره جوابك نه ايسه ركاب همايون مزه اعلام ايليه سن باقى و السلام على من اتبع الهدى « 2 »
حرر فى اوايل سنة ثمان و اربعين و الف بيورت صحراى بغداد « 3 »
هامش
( 1 ) - منظور شهر ايروان است كه تركها روان مىگويند و اروپاييان اريوان
( 2 ) - سورة طه 47 .
( 3 ) - منشآت فريدون بيك ج 2 ص 299 - 298 .