پيرامن دامن قلعهء دشمنه پنجه زن اجتهاد و ناصبان الويهء جهاد اولان اجناد ظفر اعتياد قوللرينه ادامت اعانت و امداد ايله حرض
الْمُؤْمِنِينَ عَلَى الْقِتالِ
« 1 » مبتغاسنجه اجراى مراسم غزايه تحريض و اغرا بيوروب امكان فتح و تسخيرى صورت محال ده نمايان اولان حصار سخت بنيان گردون هماله همت كوه گذار خسروانه لرين حواله بيور مغله صيف و شتاده شناوران درياى هيجا كنار آرام و قراره پا نهاده اولميوب روزان و شبان شيران بيشهزار شجاعت و هژبران آجام شهامت اهلاك و اعدام دشمنان لئام دقيقه فوت ايتمتيوب بوگونه دستبرد دليرانه و نبرد مردانه ايله قلعه نشين اولان مشركين زبون پنجهء قهر و تدمير و اول حصار فلك نظيرك فراز قلهء فتحنه بند كند تسخير اولند قده افق توفيق حق دن تباشير صباح الخير تسخيرى نمودار و صداى غيب و تلقين
ادْخُلُوها بِسَلامٍ آمِنِينَ
« 2 » گوش گذار جيوش نصرت شعار اولمغله كفار تبه كار برگشته روزگارك دارو ديارلرى ديدهء اميد لرينه تنگ و تار كورينوب .
بيت
ندانست كان كار دشوار گشت * جهان تيره شد بخت او خوار گشت
مضموننجه اوتاد اعمال حيله بنياد لرينه بسته اولان حبل رجالرى گسسته و تبادر امارات ادبار ايله تدارك چارهء كارده متحير و دم بسته قالوب اول شياطين انسه همجنس لرينك و فرت اعانت و امدادى و كثرت اعداد جنادى سودمند اولمغله ناچار من نجابراسه فقد ربح مضمونى له كاربند اولوب ابقاى مهجهء مورچه مقدار لريچون ضراعت و تذلل و مظهر عفو شهريارى اولمغچون بو مخلص كزه توسل ايدوب سلطان الغزاة و المجاهدين ، مرغم انوف الطغاة و المعاندين ، المؤيد من عند الله المعين ، افندمز پادشاه روى زمين حضرت لرينك ايدى كاسرالاعادى لرينه كليد قلعهيى تسليم ايتمك اوزره استيمان ايتمريله عفو و عطاى پادشاهى و مروت و مكارم نامتناهيدن العفوز كوة الظفر مضمونى مرعى و مقرر بيوريلوب جان جهنم مكان لرينه نجات و امان احسان اولنمغله اول گروه مقهور دار الفجور لرينه ذل و خسار ايله رهگذارى ادبار اولوب حين محاصره دن ايكى سنه و بش آى تمامنده آفتاب جهان تاب فتح و ظفر آفاقه ضياگستر اولمغله نادرهء روزگار اولان حصار استوار شوكتلو و شجاعتلو
هامش
( 1 ) - سورة الانفال 65
( 2 ) - الحجر 26