نك طرف بحريسنده ديزوب گاه و بيگاه محصور اولان گروه مشركين ايله بالاتفاق مترسلرى باصوب هجوم ايلدكچه سيهزم الجمع
وَ يُوَلُّونَ الدُّبُرَ
« 1 » مفهوم عبرت لزومنه مظهر اولمغله بالاخره بر سحر وقتنده جمله قليونلرين و ماونه لرين كناره يناشديروب و مترسلرده اولان غزاة مجاهدينه حواله ايدوب ير لرندن اخراج و كماة موحدينى ازعاج ايچون
وَ يُنَزِّلُ مِنَ السَّماءِ مِنْ جِبالٍ فِيها مِنْ بَرَدٍ فَيُصِيبُ بِهِ مَنْ يَشاءُ وَ يَصْرِفُهُ عَنْ مَنْ يَشاءُ
« 2 » فحواى عبرت احتواسى مقتضا سنجه تگرگ قضايه بكرز لمحهء بصرده نيجه بيك طوپ دانهلرين مثال كوه پارچه اولان قليون و بارچه لرندن ياغدرب بواسلوب اوزره ايكى بچق ساعت آشوب قيامت و محشر علامت لرين كوسترمش ايكن غازيان سربازان و مجاهدين شجاعت نشان كمال متانت و خلوص اعتقادايله
لَنْ يُصِيبَنا إِلَّا ما كَتَبَ اللَّهُ لَنا هُوَ مَوْلانا وَ عَلَى اللَّهِ فَلْيَتَوَكَّلِ الْمُؤْمِنُونَ
« 3 » نص كريم باهر الرشادنه توكل و اعتماد ايله ثابت قدم و مترسلرده اولان باليمزطوپ قلعه كوبى سفاين هزيمت قرين لرينه دوندروب نيجه سن خرد و زخمدار و پاترونه يمكله اشتهاربولان ايكنجى سردار لرينى دروننده اولان قيا سدن بيرون جنگجويان سقر مقر لريله
أُغْرِقُوا فَأُدْخِلُوا ناراً
« 4 » مضمون دهشت مقروننه مظهر ايلد كلرند نصكره مدار ثبات و قرارلرى ليمان ده اولان دون نماء نحوست اثر لرندن دم بدم كلن امداد و اعانتلرى اولديفى مقرر اولمغله يوللرين صوابديد رجال نبردايله سد و تدبير دلپذير ايله منع ورد ايچون قلعهء مزبوره نك طرف شرقى و غربينده ايكى متين و بلند مانند كوه الوند طابيه لربنا و اوزر لرينه اژدرها سيما رعد صد اطوپلر و راه غزاده جان و باشلرين بذل و فدا ايليان دلاوران و غازيان مصاف آزما قوينلوب جناب الله جل شانه و عم بره و احسانه حضرت لرينك عون و عنايتى و پيغمبر يمز محمد المصطفى صلى - الله عليه و سلمك معجزات كثيرة البركاتيله ملاعين خاسرينه طوپ و تفنگ و قونبره و ساير آلات جنگ ايله
إِنَّ زَلْزَلَةَ السَّاعَةِ شَيْءٌ عَظِيمٌ
« 5 » آثارى نمايان و قلعه نك اكثر قلهلرى و مواضعى خاك ايله يكسان و آثار نكبت و انهزاملرى شاهد و محسوس و امداد و اعانتدن مأيوس جهان ديرى گزلرينه تنگ و تار و چاكلرينه اوت طقيلوب عقللرى
هامش
( 1 ) - سورة القمر 54
( 2 ) - النور 43
( 3 ) - التوبة 51
( 4 ) - نوح 25
( 5 ) - سورة الحج 1