مخبر صاعقه آثار و مضمون
سَتُغْلَبُونَ وَ تُحْشَرُونَ إِلى جَهَنَّمَ
« 1 » خبرلرين مشعر رعد كردار طوپلر ايله حواله اولوب هربرى نرهء فيل بلكه صور اسرافيل كبى آواز با پر الاهتزار واجب الاحترازين ايشيدنلر برزخ
يَجْعَلُونَ أَصابِعَهُمْ فِي آذانِهِمْ مِنَ الصَّواعِقِ حَذَرَ الْمَوْتِ
« 2 » ده متحير و مدهوش و دانهء آتش اندازينه مصادف اولان مشركين سعير پرواز لرسياست خانهء
فَذُوقُوا الْعَذابَ
« 3 » دن چاشنى بادهء اجل ايله مست و بيهوش اولور لردى بو طريق اوزره نيجه ليالى و ايام غرهء غراى صباحدن طرهء طراى رواحه دك نائرهء جنگ و جدال و تنورهء حرب و قتال اشتعال بولوب هرنه قدر كه درون حصارده اولان ملاعين قلعه بند و دوزخيان ضلالت پيوند طرف بحردن على الاستمرار سفاين هزيمت آثار لريله وارد اولان امداد لرينه استظهار ايله غيرت جاهليه لرين الدن قوميوب فن نفط اندازيده اژدر شراربار و صنعت آتش بازيده سمندر اخگر خوار كچنور لردى بعنايتة الله الملك القهار چشم غزاة خونخوارده سوسمار بلكه موربى مقدار قدركور نيمبوب هميشه جنگ و پيكار و حرب و ضرب كارزار در كار و پاى متانت و ثبات لرى بنيان مرصوص كبى پايدار اولوب بوفتح و تسخير حيرت افزاى اهل تدبير اولان قلعهء دشوارگير و طلسم پيچاپيچ عقده پذيرك و حل و گشادى و مدت محاصره نك امتدادى بلكه بالذات جناب جلالت نهادك عزيمت جهاد اعتياد مزه موقوف و وابسته اولديغى ضمير الهام پذير مه لايح اولمغله دين و دولتم اغورنده جان و تن بذل ايدن مجاهدين عدوشكن قوللريمه هماى همت پادشاهانهم سايه انداز رأفت خديوانه اولوب ركاب كاميا بمده اولان اجناد ظفر مآب ايله مقر سلطنت قديم نادرة الدهر و العصر ، دار الفتح و النصر ، محميهء ادرنه صانها الله عن الافات و البلية دن ديدهء عز و اقبال ملوكانه و طنطنهء فرو اجلال خسروانه ايله نهضت و روم ايلى طرفنده ساحل بحر سفيده قريب يكى شهره كلينوب دشت و صحارى مخيم سرادقات بهجت آيات ظفر فرجام و مزين رايات مسرت غايات نصرت انجامم اولمغله الكفر ملة واحدة مقتضا سنجه اعداى بدراى عموما ملوك نصارى دن استمداد و استنصار ايله يوزه قريب كه هربرى بر كوه مهيب يتمش سكز اژدر پيكر طوپلر چكرقليون هزيمت مقرون حدن بيرون جنگجويان نحوست مآل ايله مالا مال پيدا ايدوب و قلعهء مزبوره
هامش
( 1 ) - آل عمران 12
( 2 ) - البقرة 19
( 3 ) - آل عمران 106