اولمغله يگرمى سنه دن متجاوز قلعهء مزبوره دن توطن و غزاة مرابطين و كماة محافظين ايله حرب و رباط و سلم و سطاط اوزره زمان تحصنلرى ممتد اولمغله خواب خرگوش
سَنَسْتَدْرِجُهُمْ مِنْ حَيْثُ لا يَعْلَمُونَ
« 1 » مضمون عبرت نمونندن غافل و وعيد شديد انّ كيدى متين « 2 » فحواى تخويف مشحونندن ذاهل اولوب . بغى و فساد و طغيان و عناد لرينى گوندن گونه زياده ايلمريله مقدار لرينى بيلدرمك و لوث وجود لرندن قلعهء مزبورهيى تطهيرا يلمك مقتضاى غيرت پادشاهى و مبتغاى حميت جهان پناهى اولمغله وعد كريم
وَ الَّذِينَ جاهَدُوا فِينا لَنَهْدِيَنَّهُمْ سُبُلَنا
« 3 » سند و بو امر خطير ميمنت پذيرك نامزدى و سردارى عرصهء كارزارك رستم صفدرى و ميدان گير و دارك حيدر پرهنرى دستور اكرم الح قولمى تعيين ايدوب مكمل و مرتب مهمات و اسباب كار زار و لوازم و آلات گيرودار رويين تن و اژدر دهن شرار افكن و كوه شكن باليمز و ضربزن طوپلر حددن و قياسدن بيرون جبه خانه و كند وسيله مأمور اولان وزراى نيك راى و مير ميران و امراى صف آراى و سپاه ويگيچريان جنگ آزماى و روم ايلى و آنا طوليدن غازيان ظفر انتماى بى حد و بى پايان دلاوران شجاعت نشان و اجناد نصرت عنوانى الجوار
الْمُنْشَآتُ فِي الْبَحْرِ كَالْأَعْلامِ
« 4 » ما صدقى اولان كوه مثال سفاين دون نماى ظفر اشتمال ايله جزيره يه سنهء سبع و سبعين و الف جمادى الاولينك بشنجى گوننده دلالت پربشارت قال
ارْكَبُوا فِيها بِسْمِ اللَّهِ مَجْراها وَ مُرْساها
« 5 » برله ارسال ايليوب مومى اليه قولم دخى فرمان واجب الامتثالم موجبنجه بادبان عز و اقبال و شهپر فرو اجلالن آچوب تيسرهء توفيق و جرين بهم ريح طيبه « 6 » ايله محل مأموره وصول و اشارت باهر النصرة
اهْبِطْ بِسَلامٍ مِنَّا وَ بَرَكاتٍ عَلَيْكَ وَ عَلى أُمَمٍ مِمَّنْ مَعَكَ
« 7 » ايله نزول ايتديكى ساعتده جبلتنده مركوز اولان جلادت موفورة وطينتنده مكنوز اولان شجاعت نامحصوره يىظهوره كتوروب نتيجهء فتحك ترتيب مقدماتن تصويب و مردان كارآزماى و مدبران صف آرايك اتفاق صوابديد و راى سديد لرى اوزره قلعهء مزبوره نك جوانب اربعه سندن عساكر انجم شعار ظفرد ثارم ايله هاله وار احاطه ايدوب و بنصر الله المعين درون قلعه ده اولان ملاعين دوزخ قرينه كوز اچدر ميوب وهله اولى ده هول قيامتى
هامش
( 1 ) - سورة الاعراف 182
( 2 ) - ايضا 183
( 3 ) - العنكبوت 69
( 4 ) - الرحمن 24
( 5 ) - هود 41
( 6 ) - يونس 22
( 7 ) - هود 48 .