همايون و ظن و گمانه منافى اولان اعتقاد جازم و ثابت صفا مقرون مزاولدركه بو و لاجوى لرينه مشاركت و مطاوعت سبب ذخر آخرت ملاحظه سيله طرف باهر الشرف لرندن دخى اجراى حقوق جار و دفع اذيت عباد و احرار ايچون ما بين لرنده واقع اولان آتش آزارى ماهء الحيات نصايح و مواعظ سودمند ايله تسكين و زمان فترتده هجرت ايدوب سايهء دولتكزده خوش نشين اولان فقراى رعاياى اوزبكيه يىامكنهء مالوفهء قديمه لرينه روانه اولملرينه رخصتكز قرين اولمغله كاشانهء ود و وفاق مزى نقش و نگار حسن اتفاقله تزيين ايليوب مشار اليه ندرخانى دخى ممنون و و اصل سرور گوناگون ايدوب دعاى خير اجابت اثرينه مظهر اولمغه سعى و همت شاهانه لرى مصروف و معطوف طوتيله و توران زمين جانب لرنده واقع سرحد لريكزدن اولى و شاه لولاه نام مملكتك حاكم لرى مشار اليه ندرمحمد خان ايله دائما حسن معامله اوزره اولوب شرايط حق جوارى رعايت و خاطر لرينى صيانت اوزره اولملرين طرف باهر الشرف لرندن تنبيه و سپارش گذارش پذير اولمق اميد اولنور
باقى همواره آفتاب دولت شاهى در اوج برج شرف و شوكت پناهى لامع و درخشان باد بالنون و الصاد .
تحريرا فى اوائل شهر ربيع الاخر 1059 « 1 »
هامش
( 1 ) منشآت فريدون بيك ج 2 ص 344 - 343