بر بريله سينه صاف اولمق عقلا و نقلا واجب و لازم و فرض و متحتم اولديغى كتاب و سنت و اجماع علماى شريعتله مثبت قضيهء مرضيهء دين و دولت ايكن الحالة هذه گردش گردون و تأثير طبايع بوقلمون حسبيله اوزبك خانى ابوت مآب سلطنت اياب ندرمحمد ايله اوغلى عبد العزيز خانك ما بين لرنده وقوع بولان كدورات نفاق و شقاق سبب زنگ آيينهء حسن اتفاق اولوب . عاقبت كار الفتنة نائمة لعن الله من ايقظها سرى آشكار اولوب اول ديارده چشم فتنه بيدار و پاى امن و راحت در راه گريز و فرار اولمغله حقوق والدينه منافى نيجه صور غريبه و پدر و فرزند مياننده نيجه نامطبوع و ناشايسته امور عجيبه ظاهر اولديغى مسامع عليهء خسروانه مزه القا اولنمغين اتفاق مذهب و ملت و اتحاد دين و شريعت جهتندن
إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ
« 1 » فحواسنجه امر لازم التبجيل الهى يه امتثالا باعث شماتت اعدا و موجب اغبرار خاطر اودا اولان عقدهء كدورت لرين انملهء حكيمانه ايلهگشاد و حل ايچون من اصلح بين اثنين استوجب ثواب الشهيد حديث شريفى ايله عمل اولنوب
ادْعُ إِلى سَبِيلِ رَبِّكَ بِالْحِكْمَةِ وَ الْمَوْعِظَةِ الْحَسَنَةِ
« 2 » امر لازم الاتباعنه انقياد نصايح و مواعظ حسنه يه مشتمل و انواع پند سودمندى شامل اولان نامهء همايون ملاطفت مشحون مز تحير اولنوب هر برينه مستقلا كوندر لمشدر كه طرفيندن حقوق ابوت و بنوت رعايت و پدر و فرزند ما بيننده وقوعى نامشروع و نامعقول اولان غبار كدورت و برودت نيسان محبت و مودت ايله مرتفع و مندفع قيلنوب باد بهار حب و ولا ايله به چمنستان دولتلرى سرسبز و مطرا اولمغله سعى و دقت ايلملرينه سبب و علت اوله .
اميد در كه حضرت حق جل و علا دائما پادشاه دين اسلامى طريق صواب و سداده ارشاد و شاهراه رشد و رشادده راكب مراكب حسن اتفاق و اتحاد ايدوب اتفاق مسلمينى سبب تفرقهء كفار ضلالت قرين و حسن معاملهء مومنينى باعث خسران مخالفين دوزخ مكين ايليه جناب عالى لرايله اولان حسن معامله و دوستى و اولياى دولت طرفينك سوق و القاسيله ما بين مزده طرح افكن صحيفهء لطيفهء صلح و آشتى اولان رسم مصافات و يك جهتى مقتضاسى اوزره مامول
هامش
( 1 ) - سورة الحجرات 10
( 2 ) - سورة النحل 125