« وَ ظَنُّوا أَنَّهُمْ مانِعَتُهُمْ حُصُونُهُمْ
« 1 »
»
واقع اولوب
« أَيْنَما تَكُونُوا يُدْرِكْكُمُ الْمَوْتُ وَ لَوْ كُنْتُمْ فِي بُرُوجٍ مُشَيَّدَةٍ
« 2 »
»
فحوا سندن غافل اولوب دماغ جانى بخار عصيان ايله پراولمشيدى صدرگاه لشكر ده طوروب ايكى طرفه اوغللرى زينلى و اوغرلى محمدى ميمنه و ميسره ايدوب قتاله اقبال ايتدى . بوطرفدن عسكر جرار سيل العرم كبى شوامخ اطواد و راسخ اوتاددن اعماق و هاده منحدر قيلندى . چون هول صدمات قهرمانى و تندباد عرصات كشور ستانيدن انلرك قلوبنه رعب و رهب و هراس غالب كلوب
« سَيُهْزَمُ الْجَمْعُ وَ يُوَلُّونَ الدُّبُرَ
« 3 »
»
قولى ايله عمل اولنوب بنات النعش كبى پريشان اولديلر اكثر آدمى طعمهء شمشير آتشبار واقع اولوب بقية السيوف اولان بگلرى با جمعهم اسير سلسلهء خسار واقع اولدى و زينل نام اوغلى كه فرط شجاعت و كمال شهامت ايله مشهور ايدى ، اثناى حربده قتل اولنوب ، باشى استانبوله ارسال اولندى . اوغرلى محمد نام اوغلى ايله
« كَأَنَّهُمْ حُمُرٌ مُسْتَنْفِرَةٌ فَرَّتْ مِنْ قَسْوَرَةٍ
« 4 »
»
فرار كوستردى . من بعد احواللرى دائرهء امكاندن متجاوز در جبه خانه سى و خزينه سى و باقى اسبابى نهب و غارت اولنوب معموره سى تخريب قيلندى عساكر منصوره ايله سالما و غانما اردوى همايونه معاودت قيلندى ،
كسى با ما شود عاصى كه او را بخت برگردد * چو وقت مرگ ميآيد بگرد ره گذر گردد
بوفتح فيروزى اول ماه ربيعك نصفندن چهارشنبه كونى افق عنايت ربانيدن طلوع قيلوب . تاريخ سالى
« إِنَّا فَتَحْنا لَكَ فَتْحاً مُبِيناً
« 5 »
»
سوره سندن
« وَ يَنْصُرَكَ اللَّهُ
هامش
( 1 ) - سورة الحشر 2
( 2 ) - سورة النساء 80
( 3 ) - سورة القمر 5
( 4 ) - سورة المدثر 51
( 5 ) - سورة الفتح 1