نامهء سلطان محمد فاتح به پسر خود جم حاكم قسطمونو مشعر بر غلبه بر اوزون حسن
فرزند ارجمند ارشد اسعد ، نور حديقهء سلطنت و نور حديقهء خلافت ، نهال باغ جوانى و ثمرهء شجرهء سلطانى ، مبارز الدولة و الدين ، المؤيد من عند اللّه الملك الاكرم ، اوغلم جم طال بقاه و رزقنا عاجلا لقاه ، توقيع رفيع جهانبانى و نشان عالى شأن كشورستانى و اصل اوليجق ، معلوم اوله كه اوزون حسن قصور عقلندن الفتنة نائمة لعن اللّه من ايقظها مضمونندن غفلت كوستروب مسلمانلرك مال و منالن و اطفال و عيالن غارت ايدوب انك ضررين دار الاسلامدن دفعى شرعا و عقلا واجب اولديغى سببدن سلطنت قاهره متقاضى اولديكه جناب حقك عز شأنه عنايتنه و حضرت رسول عليه السلامك شفاعتنه اعتماد و استناد اولنوب رايت اسلام نصرت پيام ، نصر اللّه امثالهم الى يوم القيام ، انك اطفاء شرر شرارتى و نائرهء طغيان و ضلالتى ايچون طلاوهء هفوق و اهتزار بوله چون خيل مواكب كواكب شكوه گروه انبوه حدود ممالك محروسه يه سمت وصول بولدى عدوى مخذولك خذله اللّه فى الدارين اختلاف احوالنه وقوف تام تحصيل قيلندى كه مردهء اوباش تركمان تارك الايماندن جمع كثير و جم غفير ايله آراسنه ايدوب وسط ولايتنده ترجان ديملكه معروف محلده مقابله ايليه اويله اولسه ناله رويين خسروانى و صداى طبل خانهء سلطانى دماغ فلكى پر طنين ايلدى مذكور مقهور دخى لشكرين جمع ايدوب مصدوقة