جواب
درگاه فتح قرين و بارگاه ظفر ضمين ترابنه عرض بندهء كمترين بودر كه حاليا فرمان شريف ورودند نصكره مستحقدار ورسن اولان اوزون حسن دمره اللهك ، اقارب عقارب شعارندن ابن عمى يوسف بدبخت برايكى قرندا شلريله و نيچه بنام شرق بگلريله قرامان بىخانمانك اولادندن پير احمد و قاسمك اوكلرينه دوشوب قيصريه دن برى عبور ايتد كلرنده بوبنده لرى دخى محميهء قونيه اوكنده يوقلمه ايدوب حاضر بولنان لشكر ظفر اثر ايله مدافعه لرينه متوجه اولوب اناطولى بگلربگيسى لالام گدك احمد پاشايى صاغ قولمه و روم بگلربگيسى محمد پاشا بنده لرى صول قولمده طوروب ماه ربيع الأولك اون دردى واقع اولان شنبه گونى مصادمهء صفين واقع اولوب قوشلقدن ايكندى به دكين جنگ و جدال و حرب و قتال اولدقدن صكره بعد العصر دشمنك بختى گنشى غروبه ايريشوب و سردار سربدارى اولان يوسف و مذكورون قرند اشلرى زينل و عمر و مظفر ايله دل طوتيلوب و سائر امراسى محمد باقر و غيرى نامدار لرى خاك مذلته دوشوب و باشلرى كسيلوب خسر الدنيا و الآخرة مقوله سندن اولديلر و بقية السيوف وادى مخوفدن گريزان اولنكرك اكثرى تيه مهلكه دن باش قورتارميو سيوب هلاك اولديلر
« فَقُطِعَ دابِرُ الْقَوْمِ الَّذِينَ ظَلَمُوا وَ الْحَمْدُ لِلَّهِ رَبِّ الْعالَمِينَ
« 1 »
»
و بوجمله فتوحات سعادتلو ، پادشاه عالم
هامش
( 1 ) - سورة الأنعام 45