اى سليمان صفات وعيسى دم * وى نبي خصلت وولى مقدم
اى سخا ملكدا سپهالار * وى شجاعت ممالكيدا مدار
اى إسكندر سپاه خضر الهام * وى مسيحا دم وكليم كلام
اى ديانت جهانيغا سلطان * شاه بن شاه وخسرو دوران
اى يوزينك آفتاب أوج جلال * عالم أهلي قاشنكدا ذره مثال
تا ظهور ايلدينك بو عالم آرا * نوشتي ذوق وسرور آدم آرا
چالدينك اى شه جهانده كوس نويد * يتتى دين أهليفه صداى بريد
خسرو دين پناه شاه سليم * صدف دهر ايچنده در يتيم
تايدى حق يوليدا طريق هدا * خلد الله ملكه ابدا
أهل اسلامتى هدايت قيل * طرق شرعنى رعايت قيل
بيله كيم عدل وداد وار سنكا * يار بولسون چهار يار سنكا
بيلكه دين أهليغه سن سن * مهدى آخر الزمان سنسن
بار عدل وسخاك ايچون حيران * يوز تومان حاتم ايله نوشيروان
بيله كم سنده يار فتح وظفر * قدرت حقور نه فعل بشر
من ديمان كيم زمانه شاهيسين * بلكه سن قدرت الهى سين
سنكا اى شاه عرض حالم وار * عرض ايتر ايمدى كيم مجاليم وار
لطف ايله منينك مراديمه بيت * داد خوانك من ايمدى داديمه بيت
بار أيدي مسكنيم خراساندا * ملك خوارزم بر له بلقاندا
گورديم ايرسه بسى بلادي وطن * بولديم أول ملكدين جلاى وطن
دين سرايينى كفر ييقتى تمام * كفر دين مسنديده توتتى مقام
بدعت وفسق ييقتى عالمنى * فسق حقدين آيردى آدمنى
خاندان لر باريسى بولدي خراب * قالمدى شرع ايچنده آب وتاب
شرح إحقاق الحق — صفحة مقدمة المعلق 61
مساهمون: السيد شهاب الدين المرعشي النجفي
صمقدمة المعلق ٦١