حكم پادشاهى اوقوندقدن صكره تعظيما بر آلتون قابلنمش و لوجنه ابريشم باغلانمش بر اغاجك اوجندهكى حلقهيه قويوب يوكسك طوتديلر و اوزرينه چتر قورديلر بعده ايكى مطلا محفه كتوروب حكم پادشاهى بريسنه قويوب او بر محفهيى او كنده كوتورديلر . مجموع سازندهلر و خلايق محفه ايله معا سرايدن چيقوب حكمنى هر دياره تحرير و ارسال ايچون ايلچيلرك اولدقلرى منزلخانهيه ايصال ايلديلر .
پادشاه تختدن اينوب ايلچيلرى دعوت و وقت ظهره دكين ضيافت ايلدى . غره ربيع الاولده پادشاه ايلچيلرى حضورينه دعوت و اون عدد سنقور كتوردوب سنقورى بكا قنغيكز اعلا آت كتوردى ايسه آكا و يريرم ديو صراحة و كناية نيچه سوزلردن صكره اوچ سنقورى الغ بيك ميرزانك ايلچيسى سلطان شاهه واو چنى شهزاده بايسنقر ميرزانك ايلچيسى سلطان احمده و اوچنى ميرزا شاهرخ سلطانك ايلچيسى شادى خواجهيه و يروب انجق سنقورلرى ينه كندو قوشجيلرينه تسليم ايتدردى .
ايرتسى كونى ينه ايلچيلرى كتوردوب سرحد ولايته عسكر كيدهجكدر . سز دخى ولايتكزه كيتمكه حاضر اولكز ديدكده ايلچيلر فرمان پادشاهكدر ديديلر .
بعده پادشاه شهزاده سيورغتمشك ايلچيسى ارغداقه سنقور يوقدر كه سكا دخى ويره ايدم . اما سنقور بولنوب و يرمش اولسهم دخى شهزاده ابراهيم سلطانك نوكرى
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين ) — صفحة 412
مساهمون: ايرج افشار
ص٤١٢