چقوب بعده جمع اولديلر . اول ميداندن ايچرويه كيروب ايكنجى ميدانده تختكاه دادك اوكنه آندن اوچنجى ميدانه وارديلر . يونلمش طاشلر ايله دوشنمش غايتله واسع و لطيف ميدان و قارشوسنده آلتمش زراع مقدارى ختاى قاعدهسى اوزرينه يوزى و قاپوسى جنوب طرفنه بر طولانى اوطه ياپلمشيدى . اول اوطهنك ايچنده آدم بويى يو كسكلكنده بر بيوك تختك صاغ وصول واوك طرفلرينه برر كمش زدبان قونيلوب آنك اوزرينه صندلىدن بيوك و كوشه - لرى چوق و اياقلرى غربب بر تخت دخى قونلمشيدى كه صاغنده و صولنده قبهلى مجمرلر ياپلمشيدى . ذكر اولنان تخت و مجمرلر مجموعى آغاجدن اولوب مطلا قلنمشيدى .
و مذكور اوطهده اولان ستونلر و آغاجلر و نردبانلر بر كونه بويانمش و روغنلنمش ايديكه خراسان و عراق استاد .
لرى ياپمغه قادر دكللر ايدى . ذكر اولنان بيوك تختت اوزرنده قولاقلرينه وارنجه يوزلرينه مقوا كاغذ كچورمش ايكى خادم طورردى . پادشاهك اوكنه خوانلر ايله طعام و نقل و نخللر قونيلوب تختك صاغ طرفنده متعين امرا تركش و قليج و سپرلر ايله طوروب آنلرك آردلرنده چتال دمرنلى اوزون مزراقلر ايله سپاهيلر آنلرك آرد .
لرنده دخى بر كروه اللرنده يالك قليجلر ايله طوررلردى .
ختاييلر بيننده صول طرف معتبر اولمغله ايلچيلرى صول طرفده اجلاس ايلديلر . امرا و سائر تعظيمى لازم اولانلرك اوكلرينه اوچر و آنلردن دون اولانلرك اوكلرينه
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين ) — صفحة 404
مساهمون: ايرج افشار
ص٤٠٤