استقبالنه كلوب همان اول كونده بر لطيف چمنزارده بر عالى صفه پيدا و سايبانلر وضع ايدوب صندليلر قوديلر و چينى طبقلر اوزرينه قاز و قوش و سائر لحوم و ياش و قورى ميوهلر قويوب هر شير « 4 » ك اوزرينه نخللر باغلاديلر و الحاصل اول بيابانده ، شهرلرده قابل اولمايه جق وجه اوزره بر ضيافت ترتيب ايلديلر .
بعد الطعام هركسى سرمست ايدنجه عرق و شراب و يروب مجلس ضيافتدن خارج اولان هر كسه دخى حالنه كوره قويون و اون ، ارپه و عرق و شراب و سائر لوازم سفريهيى و يرديلر .
يو شيلرك مجموعيسنى سكجو شهرندن كتورمشلر ايدى . اول محلده ختاييلر اقليم ختايك ياساغى غايتله دقتلى اولوب دروغ كوى اولان كيمسهنك ، بينلرنده وقع و اعتبارى اولماديغنى بيان و افاده و ايلچيلرك اتباعلرينى دفتر ايتملريله بازركانلر ايلچيلره نوكر اولوب خدمت ايلديلر .
ميرزا شاهرخ سلطانك ايلچيلرى شادى خواجه و كوكجهنك ايكىيوز يكرمى نفر و ميرزا بايسنقرك ايلچيلرى سلطان احمد وراوئ حكايت خواجه غياث الدينك يوز اللى نفر و ميرزا سيورغتمشك ايلچيسى ارغداقك آلتمش نفر و شاه بدخشانك ايلچيسى خواجه تاج الدينك اللى نفر اتباعلرى اولمق اوزره دفتر اولندى .
هامش
( 4 ) يمك سينىلرى .