عجائب اللطائف بعد حمد خدا و نعت نبى ، بو مقاله يازيلمهنك سببى بو و جهله معروض پيشگاه ارباب انتباه قلنوركه ، رونق بخشاى اورنك وديهيم . فرمانفرماى هفت اقليم . خاقان جهانبان ، صاحبقران كيتىستان . ماحئ رفض و بدعت .
محيئ شرع و سنت . فاتح ايران زمين . شاهنشاه اسكندر آيين . شهريار امجد تاجدار جد بر جد .
آسمان مرتبه جم كوكبه سلطان احمد * يدى اقليمك او خاقان عظيم الشانى
مؤيدا بالتأييد الربانى . جناب خلافت مأبلرينك صدر اعظم و داماد اقدم و اكرملرى اولان وزير ارسطو فطرت و مشير عليشير صولت نظام الملك زمان آصف عهد و آوان مايهء آرايش عالم و باعث آسايش امم مربئ اهالى ، دستور صائب تدبير صاحب معالى ، صدر مقدام و منعام . كريم برمكى غلام ابو المكارم ابراهيم پاشا دام بالبرذ كره وفشا حضرتلرينك همواره مقصود و مراملرى اطلاع احوال انام و ملوك عالمك مرتبهء قدرت و مكنت