اقتران لرنده واقع اولان ملوك مرضية السلوك اطراف و تاجداران مصافات اتصاف لرايله حسن معامله ابو ابن مفتوح و مكشوف طوتوب قريب و بعيددن جانب همايونلرينه عرض اخلاص ايدوب دوستلق و آشنالق قپوسنى دق و مخاصمه و منازعه لباسنى شق ايدنلرى به غير موجب منع وردّ ووراى مراد و مقصود لرينه قارشو ابواب ملاطفه‌يىمند قيلميوب هربريله مصالحه واقع اولد قده عهد و قرار و پيمان و اقرار لرنده استوار و پايدار اولمشلردر . كذلك عروس سلطنت روز افزون نامزد نام همايونمز اولوب ، آفتاب عالمتاب دولت مز مشرق خلافتدن طالع وافق سلطنتدن لامع او للدنيبر و شرقا و غربا ، برا و بحرا اطراف ممالك وسيعه ده اولان سلاطين اسلام و سائر ملوك و حكام دن بريسى دائرهء رضاى سعادت اقتضا مزدن عدول ايتميوب هربرى تقبل باج و خراج ايتمكله داخل دار الامان استراحت و دوستداران خاندان ابدبنيان مزله يك دل و يك جهت اولمشلردر . عنايت بىغايت الهى و هدايت جناب رسالت پناهى ايله اگر جانب بحره و اگر طرف برّه تجهيز و ارسال ايتدوكمز عساكر ظفر مآثر مز دائما قرين فتح مبين اولد قلرندن ما عدابوسال فرخنده فال ده دو ننماى همايونمز ايله كوندر يلان سفاين ظفر قراين مز بعون اللّه الملك المنّان نسايم فتح و نصرت ايله بادبان اچوب كفار حربى مملكت لرندن الى الان اهل اسلام اياغى با صمدوغى يرلره و اروب ايچنده اولان اجناد ظفر اعتياد مز شير ژيان كبى كميلردن چيقوب ملاعين خاسرينك شهر و قصبه لرندن نيچه لرينى با صوب حدّ دن متجاوز ملاعين طعمهء شمشير و اهل و عيال لرينى اسير و دار و ديار لرين خراب و يباب و مسكن بوم و غراب و معابد و اصناملرينى مكسور و منهدم و اسباب معيشتلرين بالكليه منعدم ايدوب نعمت و غنيمته مستغرق و مظهر الطاف فياض مطلق اولمشلر در نظم سپاس و حمد و ثنا بالعشى و الاشراق * نثار بارگه منعم على الاطلاق