اولمق نصيب اولوب ايكى جانبده دخى شقاق ايّامى زواله و آفتاب حسن اتّحاد و اتفاق اوج برج كماله ايرمشيدى بعده روى زيباى مصالحه و معاهديه نظر بدبينان ايله آفت عين الكمال اصابت و نفس سردى بدگويان دن حسن جمال مصادقته اثر فتور سرايت ايدوب . نقاش بارگاه كبريايى بسيط زمين اوزره نقش آخر اختراع و حسن تقدير خدايى بساط زمان اوزره شكل ديگر ابداع بيوروب . نخل بار آور حسن اتّحاد و اتفّاق تند باد حوادث ايام ايله خسته و جام جهان نماى عهد و ميثاق سنك واقع روزگار ايله شكسته اولوب . بو طرفده اولان حكام و الا مقام پادشاهى و خدام ذوى الاحترام شهنشاهيدن مقدار ذرّه منافى دوستى و محبت و مناقض مصالحه و مودّت بر وضع نادر صادر اولميوب . روز و شب عساكر و احناد جهاد اعتياد اسلام پناهى و جيوش دريا جوش نهنگ خروش خلافت دستگاهى وَ جاهِدُوا فِي اللَّهِ حَقَّ جِهادِهِ « 1 » امر شريفنه امتثال و دفع و استيصال ارباب كفر و ضلاله مداومت و اشتغال اوزره لر ايكن اوته جانب عسكرى طرفندن نقض عهد و ميثاقه شروع و مباشرت و ايقاظ فتن و فتوره جرأت و جسارت اولنوب . عساكر اسلام ظفر انجام كليت اوزره كفره طرفنك اصلاح احوالنه مقيد اولوب . نيجه حصون و قلاع فلك ارتفاع لرينك فتح و تسخير نه مباشرت و نيجه ممالك عسير الضبط لرينك تصرّفى با بنده بذل كمال همت ايدوب . بروطرفك فتنه و آشوبى نظر اعتبار لرنده جزئى كور نمكله اول . ستملر ده بر مقدار قلاع و ممالك سهل الاخذ و التسخيره دست تطاول ايرشديريلوب . هنگامه و آشوب كفار بر طرف اولمز و اختلاف و اختلال ممالك محروسه اختتام و التيام بولمز اعتقاديله حدّ اعتدالدن تجاوز و تعدّى و حيطهء اقتدار لرينه صف‌مز اوضاع و حركاته تصدى ايدوب . عاقبت انديشلك مسلكلدن عدول و دوربينك منهجندن نكول ايتدكلرنده بدرقهء هدايت ملك متعال و قايد توفيق جناب محوّل الاحوال اول شاه فلك رتبت جمشيد اقتدار و شهريار جم منزلت عالى تبار حضرت لرينه رفيق و رهنما اولوب . بو دودمان خلافت بنيان ، صانه اللّه تعالى عن تطرّق الحدثان ، تأييد عنايت الهى ايله مؤيد و چار اركان شريعت رسالت پناهى ايله مشيّد . بر دولت پايدار و

--> ( 1 ) - سورة الحج 78 .