نامهء سلطان احمد به خان قرم ( كريمه ) « 1 » . . . معلوم اوله كه حالا عجم شاهى ، اولان عباس حق ناشناس ، قاعدهء مصافاتى متروك و جادهء معاداتى مسلوك طوتوب حيله و خدعه ايله ممالك تبريز و شيروانه استيلا و غرور نفسانى و شرور شيطانيله دعوى انانيت و استعلا ايتمكله عجب و نخوتى دائرهء تحمل شاهانه مزدن بيرون و حركت مورث النكبتى مرتبهء رضاى پادشاهانه مزدن خارج و افزون اولديغنه بناء غيرت و حميت سلطنت و صيانت ناموس خلافت مقتضاسنجه غصب و انتهاب ايلدوكى ممالكى كما كان قبضهء تصرفه ادخال و خاندان ضلالت بنيانى عرصهء تخريب و استيصال اولنمق ايچون حالا وزير اعظمز اولان دستور اكرم محمد پاشا ادام اللّه تعالى اقباله و ضاعف قدره و اجلاله عساكر نصرت مظاهر مزه سردار ظفر شعار و سپهسالار نصرت مدار تعيين اولنوب ان شاء اللّه الملك الغفار طليعهء اول بهار خجسته آثار ده سمت شرقه عطف عنان يكران عزيمت و فتح و تسخير بلاد مغصوبه مز تشمير ساق همت ايلمك نيتى ايله محروسهء حلبده قشلامق با بنده فرمان قضا مضا مز شرف صدور بولمغله جناب شجاعت نهاد و صداقت معتاد كزدخى قريحهء صبيحه مز اقتراحى له منصب خانى ده دست نشانده مز و سز كله معارضه ده اولنلر مردود و رانده مزاولمغله خاصه چراغ مز و پروردهء باغ مز

--> ( 1 ) - هر چند اين نامه خطاب به پادشاه ايران نيست ولى چون متضمن نكات نسبة دقيقى از جنگهاى ايران و عثمانى و شكست ايرانيان در جنگهاى محلى گرجستان است درين جا نقل شد .