عبد الحسين نوايى
25
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى )
مرتبه تك و پو و جست و جوده قاصر اولمديكز شمديكى حال ده سعادت لو پادشاه انجم سپاهك برادنى قولى سنكله مقابله يه اقدام ايلد كده سطوت لشكر ظفر اثرك هجومنه طاقت كتور ميوب فرار اختيار اولنمق لايق و مأمول دكل ايدى ارديكزدن النان دللر و كلان جاسوس لرمز بالمواجهه مقابله يه عدم قدرت و جرئتكز اشعار و اقصاى آمال و منتهاى ما فى البال كزعسكر نصرت رهبر مزه شبيخون و يا خود بر كنارندن طوقنوب بعده فرار ايتمكدر ديو اخبار ايتمشلريدى جهانگير لك ايله نامور اولوب قليج دعواسن ايدنلر ميدان كارزارده ثابت قدم و برقرار اولمق كرك ايدى روز پيكارده مقاتله دن فرار اختيار ايدنلره ارلك نامى خطا و اولومدن قورقان كمسنه لره آنه بنوب قليج قوشانمق ناسزا در اكرذاتگزده فى الجمله غيرت و حميت اثرى وارايسه كلوب جيوش دريا خروشه مقابل اوله سزكه حق تعالينك مشيت وارادتى نيه متعلق اولمش ايسه ظهور بولوب وراى پرده در مقدرنه ايسه منصهء وجودده جلوهگر اوله شويله كه پادشاه دين پناه حضرت لرينك بزم كبى برادنى قوليله محاربه و مقاتله دن فرار اوزره اوله سن بردخى ارلك نامنى لسانكزه كتور ميوب قليج و دلير لك دعواسندن و جهانگير لك غوغا سندن فراغت ايليه سزو السلام . « 1 »
--> ( 1 ) منشآت فريدون بيك ج 2 ص 281 - 279