نامهء سنان پاشا به شاه عباس و الا جناب رفعت مآب حشمت نصاب سعادت اكتساب سيادت انتساب ناهيد بهجت ، عطارد فطنت كيوان مرتبت جمشيد منزلت ، اعنى شاه عالى جاه ارشده اللّه الى ما ارتضاه ، صوبنه مراسم خلوص و وفا و لوازم صدق و صفا اقامت و احيا اولند قد نصكره انهاء صداقت انتما بودر كه جنت مكان عليين آشيان مرحوم سلطان محمد خان « 1 » عليه الرحمة و الغفران حضرت لرينك زمان سعادت اقتران لرنده توسط صلح و صلاح باعث فوز و فلاح ايله عامهء رعاياى طرفين و كافهء براياى جانبين مهاد امن و امان و بستر اطمينان ده آسوده حال و مرفه البال اولوب . جناب و الانصاب لرى دخى جادهء عهد و ميثاق ده ثابت قدم و شاهراه مصالحه ده راسخ دم اولوب . متصل عتبهء عليه سما سيماى شهريارى و سدهء سنيهء فلك اعتلاى خداوندگارى كه بعناية الملك البارى قبله گاه ملوك عالى جاه و فرسودهء جباه سلاطين معالى دستگاه در ، نامهء نامى و ملطفهء گرامى ورود و صعود بولوب . حتى بو خيرانديش صداقت كيش لرينه دخى عمدة الامثال و الاشباه ايلچى حسن دام مجده و ساطتيله كتاب مشكين نقاب لرى وارد اولوب اظهار محبت و موالات و اشعار مودت و مصافات بيورلمشيدى بعده امراء اكراددن بعض كفران نعمت اولنلردن برقاچ بد نژاد نهاد خباثت معتادلرى مقتضاسى اولان فتنه و فسادى افشا و نقض عهد سمتنى اصغا ايليوب مقدماوير - يلان عهد نامهء همايونك مفهومنى محافظه و عواقب امورى ملاحظه ايتميوب دائرهء

--> ( 1 ) - يعنى شاه محمد خدا بنده .