لمؤلفه بزم وصلينكدين منيك ديك راز و مهجور اولمسون « 1 » * جام هجران جرعه سيدين راز و مخمور اولمسون كنج دور مهرينك انكا بر منزل ويران كيراك * بو بوزولغان كونكلوميز عشقينك دا معمور اولمسون چرخ اهل فضل نى تو فراق بيلا يكسان قيلور * فضل برله هيچ كيشى « 2 » عالمدا مشهور اولمسون مدعى قويماس منى بر لحظه غم سزوه نيتاى * يا رب اول اينصاف سز عالمدا مسرور اولمسون واصفى قورقوب رقيب دين قالدى سرو دين يراق « 3 » * اولكبى يا رب كيشى « 4 » درگاه دين دور اولمسون لمؤلفه « 5 » اول شوخ كه مندين ينه بيگانه بولوبتور * اغيار بيله همدم و همخانه بولوبتور بوخسته كونكول كيم ايچيدا ايكى كوزونك بار * بادام دورور مغز انكا دوگانه بولوبتور چون شمع آيننك قاشيدا كويدور كولوك اولدى * كويماك كا آنينك عاشقى پروانه بولوبتور جان مملكتى كيم بورون‌آباد ايدى ايمدى * غم شحنه سى ظلمى بيله ويرانه بولوبتور

--> ( 1 ) - اين غزل و ديگر غزلهاى زبان جغتائى واصفى در نسخ T و 768 B و نيز با جزئى اختلافاتى در نسخ B و B 2 آمده است ( 2 ) - T : هيچ كيم ( 3 ) - B 2 سندين كوب ايراق ( 4 ) - B 2 : اولكبى منداق ( 5 ) - P : ندارد .