هل ليله قشره اشلون ليله * كل اخوتي مست چتيله أولا ظل ولي اللي نشتچيله * ابن سعد آمر وجت خيله مغاوير واسربها ثجيله * ما تنعرف من كل جبيله أو نطع العلية نايم عليله * جره النغل منه ابحيله تمنيت حيدر حي وجيله * أعلى كوفان چي ذبحوا سليله يعباس منته اللي جبتني * بيدك يخويه ركبتني طول الدرب ما فارگتني * بس ما رحت عني أو عفتني عگبك بني ميه ولتني * خذوني يسيره أولا شفقتني دگعد يخويه أو شوف متني * ترى اسياط زجر ورمتني اويلاه يوم السيبتني يحسين أخبرك جابوا البل * أو ركبنه يخويه رچبة الذل والأطفال طول الدرب تعول * تگلي يعمه انريد منزل نگعد اسويعه ابكاسر الظل * ترى أرواحنا للحر متحمل گلي لحادينه يگيل * لمن شمسها اتطيح وتذل گلت أو علي غضبوا الكل * شتمني الشمر ويگول منزل ونريد للكوفه نصل * اكظمت غنضي أو دمعتي اتهل يحسين جاب الحادي الجمال * ناوي يرچب أعليها العيال