هذا يگطع ابسيفه وريده * أو هذا بالخناجر فضل أيده أو هذا يغط من رمحه الحديده * انجاصرته وهو يعالج أو يفغر ثگل بيه الطبر وتلوج روحه * اومحد عرف غير الله اجروحه دماياته على احصانه سفوحه * لما خر ابهناديها اموذر نده يحسين هذا الساع جدى * سگاني الماي واروى عطش چبدي يگول اسرع تراك اليوم عندي * اجاه ايصبح يا بني الله وأكبر ويلي احسين صاح الله وأكبر يبوي ليش هلنومه ابها الحر گعد عنده أو شافه امغمض العين * ابدمه سابح امترب الخدين متواصل طبر والرأس نصن * حنا ظهره على ابنيه أو تحسر يبويه گول منهو الشرق رأسك * ينور العين من خمد انفاسك يعگلي من نهب درعك أو طاسك * يروحي اشلون اشوفنك امطبر يبوي من عدل رأسك أو رجليك * أو من غمض اعيونك واسبل أيديك ينور العين كل سيف وصل لبك * گطع گلي أو لعند احشاي سدر يبويه من سمع يمك ونيك * أو من شبحت عند الموت عينك للعشرين ما وصلن سننك * أو حاتفني عليك الدهر الاگشر اريدا مسح اجروحك وشم خدك * وحط صدري على صدرك ووسدك