ايرتسى كيجه ينه مهماندار كلوب بو كيجه شهردن طشره‌ده بولونك كه وقت سحرده پادشاهى كوره‌سز ديو سوار ايلدى . منزلخانه قپوسنده مولانا قاضىيى بر كروه ايله غايتده ملول و محزون كوروب سببندن سؤال ايتدكلرنده پادشاه شكارده ميرزا شاهرخ سلطانك كوندرديكى آتدن دوشوب اياغنى آزرده ايتمكله سزلره غضب ايدوب ختايك شرق طرفنده اولان شهرلرينه قيدوبند ايله كوندرمكى حكم ايلدى . ديو جواب ويرمكين ايلچيلر دخى مغموم اولوب حزن و كدر ايله پادشاهك اولديغى محله وارديلر . طول و عرضى بشريوز اياق اون زراع مرتفع و درت قدم عريض بر ديوار چكيلوب ايكى قاپو آليقونلمش و ديوارك وراسنده ديواره صرف اولنان طوپراغك يرندن بر خندق ياپيلمش و ختايده قالبى ديوارى غايتله تيز ياپما - لريله مزبور ديوارى پادشاه اول صحرايه نزول ايتديكى كيجه ياپمشلردى . و قاپولرده و خندقك كنارلرنده مسلح آدملر طوروب پادشاه ايچون صارى اطلسدن يكرمى بش زراع قامتلى دردر ستونلى چار كوشه ايكى چتر و اطرافنده‌ينه صارى اطلسدن خيمه‌لر و سايبانلر قو - ريلمشيدى . اورايه بشيوز زراع مقدارى محل قالدقده مولانا قاضى ايلچيلره پياده اولوب بومحلده پادشاه كلنجه مكث ايديكز ديو سپارش ايدوب كند و سى پادشاه حضورينه