ديرلر ايدى . كيجه على التوالى ذكر اولنان كوهده منوال مشروع اوزره چراغلر ياقوب و مجموع شهرك دكانلر و خانه . لرنده چوق چراغلر ياقارلر . و مذكور يدى كون ايچنده كيمسه‌يى ايلديكى جرم و قباحت ايله مؤاخذه ايتمدكلرندن غيرى پادشاه خلفه احسان فراوان و ميرىيه مديون اولانلرى و سائر محبوسلرى اول ايامده آزاد ايدر . مذكور شب چراغ ايچون اطرافدن كلوب جمع اولان امراى ختايه پادشاه ضيافت و انعام ايلدى . صفرك اون اوچنجى كونى مهماندار ايلچيلرى سراى پادشاهىيه كتوروب و اولكى حوليده اجلاس ايلدى و اول ميدانده‌كى كوشكك پرده - لرينى رفع و ايچنه بر مرصع تخت نصب اولنوب پادشاه چيقوب تخته اوتورديغى كى اطرافدن كلوب يوزبيكدن زياده اول محلده مجتمع اولان خلايق بالجمله ديز چوكوب باشلرينى يره قوديلر . پادشاهك قارشوسنه بر بلند تخت دخى كتوروب اوزرينه اوچ كيمسه چيقديلر . پادشاهدن صادر اولان فرمانى ايكيسى طوتوب بريسى بلند آواز ايله مجموع ناسه ايشيتديره جك مرتبه ده اوقودى . زبان ختاى ايله اولمغين ايلچيلرك اول محلده معلومى اولميوب صكره سؤال اولندقده مضمونى صفرك اوننجى كونى كه آنلرك اعتبارنده ييل باشيدر و چراغ كيجه سى وقتى ايدى . پادشاه قاتللردن ماعدا مجموع محبوس و مجرم و ميرىيه دينى اولنلرى عفو ايدوب و اوچ سنه‌يه دكين بر دياره ايلچى كيتميوب هر دياره احكام نقلى ارسال اولنمق ايدى .