خطايى ، على اكبر
408
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
اون ايكى ديواننده دخى جرمى ثابت اولمق كركدر . اكر اون برنده ثابت اولوب اون ايكنجيده ثابت اولمازسه اول شخص ايچون خلاص اميدى واردر . و اتهام اولنديغى جرمدن سالم اولديغنه فرضا آلتى آيلق يا خود دخى زياده مسافه محلده اولان ادمك شهادتنى ادعا ايلسه اول شخصى حقيقت حاله اطلاع ايچون كتوروب قضيهدن بحث ايدرلر . و اقتضاسنه كوره فيصل و يررلر . و بو جهتله نيجه مجرم حبسده هلاك اولوب مرد اولانلرينى پادشاهدن حكم اولمايجق زمينه دفن ايدهمزلر . محرمك يكرمى اوچنجى كونى هوا غايتله برودت اوزره اولمغين سراى پادشاهينك حوليسنده مجرملرك نيجهسى طوكوب هلاك اولديلر . بر شخص روايت ايلدبكه طشرهيه نسبتله مصون و محفوظ اولوب شدت برودتك اوراده نه مرتبه ايديكى پك معلوم دكلدر . يوخسه بوكون خارج شهرده اون بيك مقدارى آدم طوكوب هلاك اولمشلردر . محرمك يدنجى كونى مولانا قاضى يوسف طرفندن يارنكى كون سنهء جديدهنك اولى و پادشاهك مجددا بنا ايتديرديكى سراينه نقلى كونى اولمغله كيمسه بياض دستار و جامه و طاقيه كيمهمك ايچون فرمان پادشاهى صادر اولمشدر ديو ايلچيلره خبر كلدى : زيرا سائر ديارلرده ماتم و قتلرنده سياهپوش اولدقلرى كبى ختاى ديارلرنده بياض كييرلر ايمش . يكرمى سكزنجى كيجه نصف الليلده