خطايى ، على اكبر
406
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
بازيكرلر اويونلر اوينامغه آغاز ايلديلر . اولا قولاقلرى اينجو كوپهلى ختاى زربفت جامهلى قزلر كى دوز كونلى قزلجهلى ماه پيكر پسرلر اللرنده و باشلرنده كاغذ رنكين و ابرشيمدن ياپلمش كللر و لالهلر ايله اصول ختايى اوزره رقصلر ايلديلر . بعده اونر ياشنده مقدارى ايكى پسر ايكى اغاجك اوزرنده اويونلر اوينايوب بعده بر آدمى آرقهسى اوزرينه ياتوروب اياقلرينى يوقارىيه قالديرديلر و طبانلرينك اوزرينه يديشر زراع مقدارى قامشلر ديكوب و بر آدم دخى اول قامشلرى اليله طوتدى . پس اون ايكى ياشنده قدر بر اوغلان اول قامشلرك اوزرينه چيقوب درلو درلو اويونلر اوينادقدن صكره بر قامش قالنجه مذكور قامشلرى برر برر آتدى و ذكر اولنان بر قامشك اوزرنده معلقلر اوروب حركات عجيبه اجرا اپتدكدن صكره ناكاه قامشك اوزرندن دوشيجك مذكور ياتان آدم صچرايوب اوغلانى يره دوشمدن طوتدى . و سازندهلرك بعضيسى اصول و آهنك ختايهمغاير موسيقار و غيرى سازلر چالوب بعضيلرى دخى سازينى يانندهكى آدم ايله مشترك چالارلردى . فرضا موسيقارى ، بر اليله موسيقارينى طوتوب بر اليله يانندهكى نيزنك چالديغى نيك . سوراخلرينى باصار و كذلك نيزن دخى بر اليله چالديغى نيى طوتوب بر اليله دخى چارپاره طوتاردى . و قس على هذا . بو منوال اوزره اول كون ايكندى يه دكين مجلس متمادى اولوب