خطايى ، على اكبر
399
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
برر زراع مقدارى برر تخته طوتوب اول تختهدن غيرى يره باقمغه زهرهلرى يوغيدى . آنلرك آردنده ايكى يوز بيك مقدارى جبلى اللرنده نيزهلر و قليجلر ايله صف صف آدملر بر مرتبه سكوت ايله طوررلرديكه كويا اول محلده بر متنفس يوغيدى . تختك اوزرينه بر آلتون صندلى و تخته بش قدمه بر كمش نردبان قوديلر . پادشاه حرمدن چيقوب صندلى اوزرينه اوتوردى . اورته بويلى و صقالى نه آز نه چوق ايدى آنجق ايكى اوچيوز مقدارى قبلى اولقدر اوزون ايديكه صندلى اوزرنده اوتور مشيكن ايكى اوچ حلقه ايتمشيدى . و صاغنده و صولنده كردن و يوزلرى ، كشاده و صاچلرى باشلرينك اورتاسنده دو كونلنمش قولاقلرنده بيوك انجولر طاقلمش ايكى دختر ماه پيكر اللرنده دوات و قلم طوتوب پادشاهك لسانندن نه ظهور ايدر ايسه يازارلر و يازدقلرينى حرمده پادشاهه عرض ايدوب اكر اول حكمى تغيير اقتضا ايدر ايسه يازدقلرينى طشرهيه كوندررلر و اهل ديوان موجبيله عمل ايدرلر . پادشاه تخت اوزرنده اوتوريجق قارشو طرفنده صاغنده و صولنده ذكر اولنديغى اوزره صف صف ديزيلمشلر ايدى . ايلچيلرى يدييوز مقدارى مجرملر ايله برابر پادشاهك اوكنه كتورديلر . جرملرينه كوره كيميسنى زنجيره طاقوب كيميسنك بويننه چتال آغاچ كچورمشلر و بعضيسنك برالنى و كردننى تختهيه باغلايوب بعضيلرينك