خطايى ، على اكبر
395
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
ايله ذكر اولنان كوشك حركت ايدردى . عالمك نجار و آهنكر و نقاشلرى اول قصرى تماشا و صنعت اخذ ايتملرينه لايق ايدى . قصر مزبوره اول ديارك مسلمانلرى چرخ فلك ديرلردى . ايلچيلر چهارپا و اثقال و بعض نوكرلرينى شهر مذكورده بر اغوب عودتده بالتمام اخذ ايلديلر . و پادشاهلرينه لايق اولان هدايايى دخى خطاييلر آلوب محافظه و ايصال خدمتنى آنلر ادا ايتديلر . بوندن صكره هركون بر منزله و هر هفته بر شهره و اريلوب خانبالغه قريب اولدقچه ضيافتلرنده تكلفات زياده اولمقده ايدى . شوالك دردنجى كونى قراموران صويينه و اريلديكه نهر مزبور جيحونه يقين بر بيوك صوايدى نهر مزبورك ايكى طرفنك كنارندن اونر زراع بعيد محلده آدم بلى قالنلغنده برر تيمور ميل ديكوب اويلق مقدارى بر تيمور زنجيرى مزبور ميللره بند ايتمشلر و يكرمى اوچ كمىيى محكم ايپلر ايله اول زنجيره باغليوب كميلرك اوزرينه هموار بيوك تختهلر دوشهمشلر ايدى . بلازحمت چهارپالر ايله مزبور جسردن كچيلوب نهرك ختاى طرفنده اولان شهر معظمه واريلدى . شهر مزبورده ترتيب ايتدكلرى ضيافت مقدما سائر شهرلرنده ايتدكلرى ضيافتلردن تكلفلى ايدى . شهر مزبورده بر عظيم تپخانهوار ايديكه سر حددن اول شهره واريلنجه آكا معادل بيوك بنا كوريلمه مشدى . و شهر مزبورده اوچ بيوك خرابات و ايچلرنده كوزل