و بر تخت وضع ايدوب آردينه بر پرده آويزه ايدرلر . و تختك ياننده بر آدم طوروب بر بيوك كيچه دوشرلر . و ايلچيلرى اول كيچه‌نك ياننه كتوروب سائر خلقى آنلرك آردنده غايتله هموار صف صف ديزرلر . اول تختك ياننده طوران آدم اوچ دفعه ندا ايدوب آندن صكره امرا و ايلچيلر اوچ كره باشلرينى يره قورلر بعده هر كشى كندو سيچون وضع اولنان خوانك ياننه واررلر . قمچوحا كمينك ضيافت ايتديكى كون رمضانك اون ايكيسى اولمغله پادشاهمز سزى اعزاز ايدوب ضيافت ايتمكله البته بوكون طعام تناول ايديكز ديو التماس ايتدكده شادى خواجه و سائر ايلچيلرك كبارى بزم دينمزده ايام رمضانده طعام يمك جائز دكلدر . ديو اعتذار ايتملريله دانك راچى عذرلربنى قبول ايدوب ايلچيلر ايچون ترتيب اولنان شيلرى قوناقلرينه كوندردى . و شهر مزبورده طولى و عرضى بشر يوززراع بر تپخانه وار ابدى . اورته سنده اويور شكلنده بر بيوك پت ياپمشلردى . اول صنمك قدى اللى اياق و كف و پاينك اوزو نلغى طقوز اياق و كله سنك دورى يكرمى بر زراع ايدى . و اطرافى دائرا مادار تكلفلى بنالر اولوب جوانبنده يكر ميشر زراع و دخى چوق و آز صنملر ياپمشلر . و آدم بوينده متحرك صورتلر ياپمشلر ايدى كه كورنلر آنلرى زنده صانور لردى . و باقى ديوارلرده اولقدر صنايع اجرا ايتمشلر ايدى كه كورنلر انكشت حيرتى دهانه وضع ايدرلردى .