خطايى ، على اكبر
388
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
و سائر انواع نعم و فواكههء كوناكون و بررينك اوزرينه لطيف اكمكلر و كاغذ و ابرشيمدن ياپلمش غايتله مصنع نخللر قونلمشدى . سائر لرك اوكلرينه برر خوان و قارشيسنه بر ريو كسك كوس و خرده و بزرك چينى و كمش صراحيلر و چينى كوپلر وضع اولنوب كوسلرك ايكى جانبلرنده كمانچه و نى و مو - سيقار و سائر سازلر ايله مطربلر اوطورمشلر ايدى . نيزنلرك بعضيسى نايى معتاد اولديغى اوزره چالوب بعضيسى اورتاسندهكى سوراخلرندن اوفورورلر ايدى . آنلرك يانلرنده چنكيلر و كلهپوش قولاقلرى اينجو كوپهلى قز كبى خوب و زيبا رقاص پسرلر طورمشلر ايدى . و اول صفهدن اردونك ذكر اولنان درت قپوسنه وارنجه اللرنده اوزون نيزهلر ايله جبهلى آدملر ديزيلوب بولندقلرى يردن بر قدم حركت ايتمزلر ايدى . ختاييلرك يساق و سياستلرى كمال اوزره اولمغين بو وجه اوزره اداب ايله طورمالرى چاوشه محتاچ دكل ايدى . هركسى مقامنه اجلاس ايتدكدن صوكره مير رو - سون « 1 » كه ديوان آنك حكمندهدر . قالقوب هر كسه پياله و يردكجه ياننده اولان نخلك بر شاخنى قوپاروب پياله نوش ايدن آدمك كوشهء دستارينه صوقمقله بر ساعتده مجلسى مانند كلستان ايلدى .
--> ( 1 ) روسون - ايلچيلره مخصوص ضيافتخانه