خطايى ، على اكبر
375
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
اوراده شو نسخهيى بولدم و مقدمه سندن اكلادم كه پك نادر و قيمتدار اولان بو سفارتنامهنك بر نسخهء اصليه سى سلطان احمد خان ثالث حضرتلرينك داماد و صدر اعظمى شهيد سعيد معارفپرور نوشهرلى مشهور ابراهيم پاشانك النه كچمش او صدر قدردان دخى علما و ادباى عصرندن شيخ الاسلام اسبق چلبىزاده اسماعيل عاصم افندى حضرتلرى معرفتيله ترك ديلنه ترجمه ايتديرمشدر . پك نزيه ، سليس ، استادانه الفاظ ايله اصلندهكى لطافت اصلا غائب ايدلمهمشدر . مشهور تيمورك اوغلى و سرير سلطنتده خلفى اولان ميرزا شاهرخ سلطان چين و ختاى خاقاننه اعيان دولتندن ايلچى كوندروب مخدوملرندن هرات واليسى ميرزا بايسنقر و سمرقند واليسى ميرزا الغ بك و غزنه و هند واليسى ميرزا سيورغتمش و فارس و اليسى ميرزا ابراهيم و اصفهان و اليسى و مشار اليه شاهرخ سلطانك برادرزادهسى ميرزا رستم و خوارزم واليسى شاه ملك و بدخشان ملو - كندن محمود شاه و مغولستان ملوكندن اويس خان طرفلرندن دخى ايلچيلر ترفيقا و تعقيبا ارسال اولنمش و شهزاده ميرزا بايسنقرك ايلچيلرندن و ارباب معارفدن خواجه غياث الدين النقاش 822 سنه سنده بلدهء هراتدن چيقوب كلنجهيه قدر كورديكى عجايب و غرايب و امور و وقايعى يازوب اوچ سنهدن صكره كلدكده عرض ايتمشدر . بو عبد عاجز بو سفارتنامهنك فارسيسنى آرهمقده