برى دكانلرى اوكنده هلاك اولسه صاحب دكاكين معاتب و معاقب اولوب كلى غزمت چكرلر اول جهتدن البتده ير مقدار نسنه ويررلر شويله كه عطالرى بردانه نحو و يا بر حبه فندق و يا فسدق اولسه دخى راضى اولورلر و اول جماعتك بعضيسى غايت غيرتندن و كثرت قلنندن لنى بالچغه سوروب اكابردن هركيمه راست كلورسه اندن احسان طلب ايدر اكر اول كبارنسنه ايدرسه جانبندن اولقدر رخصت واردر كه جامه و لباسلرينه اول بالچغى سوره شويله كه بردانه فندق و يا فسدق ويرسه راضيدر و يرمسه اثوابن رسوا ايدر و اول كمسنه جانى قورقوسندن ايتمشدر ديرلر بوسببدن بر ايكى كره ايلسه معذور در اكر زياده ايلسه هلاك ايدرلر و نقل ايدرلر كه بركون بر كمسنه اول فقيرلردن برينك باشنه بر لكن صيجاق كل دوكدى بعده صلح اولدقلرنده اول كمسنه بردانه جوزه راضى اولدى و اول ولايتده عادت بودر كه بعضى سفيه اصنافلر اويله‌دن صكره كار و كسبلرندن فراغت ايدوب خراباته واررلر و خراباتيلر دخى اصنام مصوركبى مذهب لباسلر ايله كندولرين تزيين ايدرك مشترى شكار ايتمك ايچون شاه‌نشين و پنجره و قصرلرده اوتوروب داملرينه كرفتار اولانلرى باغ جنان مثالى لطيف مكانلره كتوروب رقاصلر و خواننده و سازنده لرك جمله‌سى كروه كروه و خيل خيل قارشولرينه كلوب اطلس و كمخا و سائر اقمشهء خطادن بستر و بالينلر ايله مزين و مجلا تختلر اوزرينه جلوس ايتديروب عيش و عشرت ايدرلر كلام كلشنى شراب و شمع و شاهد راجه معنيست * خراباتى شدن اخر چه دعويست شراب و شمع و شاهد عين معنيست * كه با هرزره خضرا تجليست اول زهره جبين و حوران زاد سازندهء كوينده و اول پرىزاد سيمين بدن رقاص و ساقيلرك اول حينده صادر و ظاهر اولان حركات و سكناتلرينك توصيف و تعريفنده لسان سريع البيان و قادر و زبان عاجز و سركرداندر و اهل چينك خصوصا لطافت طبيعتلرى بوندن معلومدر كه جانبازلريدخى حسنا و جميله قزلردر فصل اول خراباتده اولان معزول وزرا و امرا و سائر اكابر نسا و كريمه‌لرى و سائر ممالك چينك نسا طائفه سى عفيفه و لطيفه و سمين تن و سر و قد و نركس چشم و شوخ شنك شيرين زبانلردر و اول قومدن اصلا قره‌ياغر و صادمى و كوك كوزلو كيمسه يوقدر جمله‌سى نهال قد و لاله خد و اهو چشمدرلر و نقل ايدرلر كه اول ديارده تسخير جن اولور مش از جمله و قتيله بر عورت عريان اولوب صويه‌كرمش و صودن چقدقده اثوابن بر اقديغى محلده بولميوب ادركن لباسنى بر غيرى يرده