كوره معاتب و معاقب اولور و هر زندانك اوكنده بر ديوانخانه اولوب هر كنهكارك گناهنى انده ثابت و الزام ايدرك كيفيتى خاقانه عرض و تقرير ايدرلر بعده امر خاقان ايله قيد و بند ايدوب حبس ايدرلر و سابق ذكر اولنان اون‌ايكى قسم ملك چينك هر بر قسمى ايچون خانبالغده مخصوص بر زندان و برر زندان ديوانخانه سى انشا اولنمشدر كه كناهنك ايجانبه كوره هر قسمك كنهكارينى اول قسم ايچون خانبالغده تحصيص اولنان زندانه ارسال ايدرلر و اول زندانده هركسك جرمنه كوره طبقه و عذابلر تعيين اولنمشدر و اهل چينك اعتقادلرى بونك اوزرينه در كه مشرقدن مغربه قدر روى زمين خاقانك حكمنده اولوب اندنغيرى پادشاه يوقدر و مذكور زندان ديوانخانه‌لرينك هر برنده اوج مير محترم و مشير محتشم تعيين اولنمشدر كه نقدر مجرم كلور ايسه انلرك حضورينه كلوب اسم و رسملرى تحقيق و جرملرينك حد و مقدارى تعيين و ابتداى دخوللرين و تاريخ عمرلرين و كمال مرتبه صورت و علامتلرين تحقيق ايدوب اول كمسه‌لرى معين و مستحق طبقه لرده حبس ايدرلر مثلا رجال و نسادن برى جنك ايلسه انلرك قوم و قبيله لرندن اون نفر مقدارى كمسنه‌لرك بويونلرينه زنجير اوروب حبس ايدرلر و هر كروه طريقلرى اوزره قنغى ديوانخانه ده حبس اولور ايسه كناهى مقدارى سز و جزاسن بولد قده‌ينه اول ديوانخانه دن خلاص اولورلر و دائما كروه كروه مجرملر داخل اولوب برطرفدندخى اطلاقى لازمكلانلر ازاد اولورلر و ممالك خطايده اولان مشير و ميراندن برينك حدى يوقدر كه پادشاهه معين اولان جريمه دنغيرى بر درهم اله‌لر و اول كنهكارك و سائر اول كمسه ايچون حبس اولنلرك توابعندن اقجه النميوب كناهنه كوره برنج سفيد و معاقب اولان توابعندن بغداى و دار و الورلر فصل و ملك چينه قاعده و قانونلرين و امور بلده‌لرين خير المق ايچون كيدن كمسه لردن نقل اولنور كه اون‌ايكى كمسه رفيق اوله رق خانبالغده خاقانك حضورينه واردق قضاء رفيقلريمزك بر جاهلى ثبت قومندن بريسيله نزاع ايدوب كنهكار اولدى اول كنهكارك جرميچون بزبيكناهلر يدخى بنده چكوب حبس ايلديلرنه ايسه بزقوللرينه حق جل و على حضرتلرينك عنايتى معين و ظهير اوله رق مسافر اولنلره اشكنجه ايتمك و جريمه المق قانونلرنده اولميوب اون‌ايكى قسم ملك چيندن بزلرى دوشنكى سى ديمكله معروف طبقيه كوندر ديلر و مسافردن حبس لازمكلنلره قانونلرى بونك اوزرينه ايمشكه التون و كمش و سائر متاع دنيويدن بر نسنه‌يه مالك دكلدر ديو