تعيين اولنمشلردر ايكنجى طبقه خادملرينك مشغوليتلرى بودر كه شكوا قصه‌لرينى و سائر مكاتبى كه اطراف عالمدن كلورانلرى ايچر و ادخال ايدوب جوابن چقاررلر و كثرت قصص و مكاتبه محلنده ذكراولنور اوچنجى طبقه خادملرى ايكنجى طبقه دن معتبرلردر و انلرك خدمتى ايج سرايده اولان ديوانخانه‌لرده تعيين اولنان دختران سعد اختران ايله اوتوروب واقع اولان قصص و مكتوبلرى ترجمه و احتصار ايدوب حضور خاقانه قزلر تقديم ايدرلر و خاقان چينه عرض اولنان عرائضه باقوب نشان ايتمكه كيجه و كوندز ده وقت تعيين اولنمشدر شويله كه بر ساعت ترك و تأخيره مجال محالدر چون خاقان اول خطلره نظر ايدوب مضمونى معلوم اولدقده مقبولى اولانك اوزرينه سرخ ايله خط چكر كه علامت قبولدر مقبول اولميانه خط چكمز خاقانك امرا و وزراسيله ظاهر سويلشمسى بوقدر دركه بر امر عظيم واقع اوله كه مشاوره ده كلمات واقع اوله و اون‌ايكى قسم ملك خطانك طشره ده اولان اون‌ايكى ديوانخانه‌لر كبى ايج سرايده دخى بعينه ديوانخانه‌لر واردر و بيرون سرايده اولان ديوانخانه‌لرك هر برنده طقوز و زير صاحب تدبير واردر ذكر اولنان مقبول قصه و كتابتلر خاقان حضورندن ايج سرايده اولان وزرايه چقوب طشره ده اولان قنغى ديوانخانه دن كلديسه ايصال اولنوب انلردخى نوجهله فرمان اولديسه اكاكوره عمل ايدرلر در دنجى سرايده اولان خدام با احترام ذكر اولنديغى اوزره اول سرايده اون‌ايكى مملكت ايچون وضع اولنان ديوانخانه‌لرك برطرفندن خادمان معتبر و برجانبدن دختران سعدت اختران باشلرينه غريب و عجيب مرصع تاج با ابتهاجلر قيوب و لباسهاى انواع تجمل زربفت و خطايى كمخا و اطلسلر كيوب و ميانلرينه يشمدن كمرلر باغليوب ايكى جانبندن انواع زينت ايله تخت روانه بنه‌رك ديوانه كلوب مراتبنجه يرلويرنجه اوتوررلر و هر وزيرك حضورنده بر دختر مغتبر و ايكى جانبدن ايكى خادم سعادت اختر اوتوروب و قفالرنده اغالر و قزلر صف صف اولوب طوردلر و اول سرايده اولان دفاترى كوروب و اجمالك البوب فراست ايله فحواسنه مطلع اولوب صواب اوزره ضبط و ربط ممالك ايدرلر بشنجى سرايده خزائن و دفاين ملك چيندر جواهر زواهر و سيم و زر و زربفت و سراسر و اطلس و كمخا و پاى برك و تافته و سائر اقمشه و امتعه انده جمع و صرف اولنور و اول سرايده بعض خادملر و قزلرالتون و كمشدن اولان كريچلرى و سائر خزائنى حفظ و ترتيبنه تعيين اولنمشدر و اصل و ترتيبى ذكرى محلنده شرح اولنور و اول سرايده ارسلان خانه‌لر واردر كه انده ارسلان و پلنك و ببر و پارس و سياه كوش و سائر درنده