خطايى ، على اكبر
224
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
و قصر فلك فرسا واردر كه صور عجائب و سائر ترتيب غرائبى تماننده عقول خرد دان حيران و سركرداندر ديو توصيف و ترغيب ايديجك خاقان اول باغى تفرج و سيران ايتمكه طالب و راغب اولوب و اول سرايده سردار اولان خادملره سردار اولان خادملره سرا خبر كوندر ديلر تدبير و مصلحت بودر كه خاقان اول باغه كيردكده جميع قيولرى قيايوب خاقانى حبس ايده سزچون خاقان اول باغك توصيفك و ايچنده اولان مانندولدان و حورانك تعريفك ذكر اولنان نكارخانهنك ذوق و تماشاسى قلبنده نقش باغليوب خواص خدميله اول باغه عزيمت ايدوب ذوق و صفايه مشغول اولدقده باغك قيولرينى اوزرندن بند ايدوب تخت مقابله سنده بر خانهء زير زمينده حبس ايدرك محبس مذكوره ابخق بريمك صحنى صغاجق قدر پنجره براقوب خاقان چينى خاصه كيلرى اول باغده محبوس ايتديلر بعده خاقان قديملرينى ينه اوزرلرينه خاقان ايدنمكه راضى اولوب الجى كوندر دكلرنده خاقان مذكور الاى و سلطنت ايله قلماقدن حركت ايدرك خانبالغه كلوب ينه تخت سلطنته جلوس ايلدى وانك زماننده مسلمانلره كلى عزت و حرمتلر اولبندى حالا سنه تسعمائه ده اوغلى كين طاى خان نام پادشاه سپهر احتشام و اهل اسلام انك ايام عدالت انجامنده غايتده استراحتده درلر و حزب مذكورد نصكره پادشاه خطاى كند و تفسيله حربهوار ممشدر لازم اولان محللره عسكر كوندرر و بالطبع اهالى خطاى اصلاجنكه مائل دكللردر اكر دشمن ظاهر اولسه مال ويروب صلح اولورلر و كيمسه ايله بلاضروره حرب ايتمك استمزلرانك ايچون جميع عالم ايله صلح اوزرهدرلر اول سندند دكه خاندانلرنده نيجه بيك بيلدر كه سلطنت برقرار اولوب ولايتلرى خرابلق كورممشدر و اول ديارده اصلا طاعون اولمز و مملكتلرنده اولان خلق و كر عسكرى و كر شهرى جملهسى اسم و رسميله دفترلرنده قيد اولنوب خارج از دفتر بلدهلرنده بر كمسه يوقدر و جمعيسنك حال و مقدارينه كوره تعيينلرىوار در ماه به ماه ياسنه بسنه ميرى جانبندن حقلرى و يريلور وزرا و امرانك و سائر اهل مناصبك مقدارلرينه كوره خدمتلرنده ادملر تعيين اولنمشدر كيجه و كوندز خدمتلرنده مقيم اولورلر مثلا بر شهر نامدارك بيك و يكرى اوتوز بيك عسكرك سردارى عزل و يا فوت اولسه يانلرنده كندولرينه متعلق درت بش كسه بولغمغله سردار مذكورك يرينه اخرى نصب اولنجه انلردن برى نظارت ايدر و جميع خلق خطاى خاقان طرفندن و ضيغه خور اولدقلرندن اول بلدهنك وزرا و امرا سندن بر كمسه ياره ايله كندينه ادم جلب ايتمكه قادر اولمازلر بودخى بر تدبير عظيمدر كه پادشاهلرى اوزرينه عصيان ايدوب خروج ايتمكه قادر اولمازلر