قانونلره قتل و قصاص جاريدر و خاقان چين هربيلده بر كره كند و نفس نفيسى ايله قانونلرى اوزره قان ايدنلرى تفيش ايدوب مقتوللرك باشلرينى صندوقلرده بشقه حفظ ايدوب و ييلده بركره ارباب جرايمدن اوچ ييل محبوس اولنلرى كروه كروه ازاد ايدرلر الباب الثامن سلاطين چين اهل چينه ييلده بركره تحويل چلهء زمستانده بيرام و طوى ايدوب و كله جك ييلده اولكونده كيرو امرا و خاصيه و لشكرينه و اطراف و جوانب عالمدن كلن الچيلره و سائر معتبر ادملره كلى ضيافت ايدوب و خلعت فاخره‌لر كيديروب رعايتلر ايتديكى بياننده در الباب التاسع ملك خطاى اون ايكى قسم اولوب هر قسمنك ادى و اول قسمك شهرى و ادلرى و هر قسمده مسك و ريوند و فغفورى و اينجو و ياقوت والتون و كمش و غيره حاصل اولان متاعك بياننده در الباب العاشر طوى و تعظيم و عيش و نوشلريكه اغاجلر اراسنده باغچه‌لرده بعض اغاجلرى سرو ايله هم آغوش ايدوب و بعض اغاجلرك شاهلرينى بر وجهله تربيه ايدوب شويله موزون ايدرلركه نخلبند شمعدن اولوجهله ايتمكه قادر اولميوب صاحبندن كلى بها ايله صاتون الورلر شكوفه و كللرى واردر و انواع نعمتلرى و الوان الوان شرابلرى كه جمله يونجدندر اول ممالكه مخصوصدر اند نغليرى ولايتده اولماز انلرك بياننده در الباب الحادى عشر خرابات زنان و سائر خراباتيلر و استسقا يعنى يغمور طلب ايلمكى خراباتى يه مخصوصدر و اول كمسه‌لر كه التون و كمش و املاك ضياعتى انده تلف و ضايع ايدوب و انلرك عاقبتلرينى و سازنده و خواننده و رسن‌باز محبوبلرنيك تعليم خانه‌لرينى و مذكورلرك كوزللرى الوده دامان اولميوب عفيفه و شيره اولوب جمله سى سياه و بادام چشم اولوب و چشملرينك لونلرى سرخ و سفيد و لطافت اندام و نازك ترلكده بيعديل اولوب و اصلا اول اقاليمده ديوانه و مصروع اولمدقلرنيك بياننده در الباب الثانى عشر اول ممالكده اولان سائر مملكتلرك عكسى و هنرهاى عجيب و حلاجهاى غريب و طوب و صورت بازلقلرى بياننده در و اول ديارده علم نجوم غايت معتبر در و اول زمره‌نك كامللرى دائما حبسده اولوب سنه ده بركره خزنيه تقويملر و يروب و تغيير وقت و ساعاتى حفظ ايدوب نصيحت و عبرتلر ايچون متاعلر و علامتلر قويوب و شعر و معما و لغز كه چيستان ديمكله معروف و مشهوردر انلرك بياننده در الباب الثالث عشر مقنن خطاى وانى اولو جهله ضبط ايلمك نه ايدى و نيجه ييل بر عورت پادشاه اولمق و هنوز سراينك اثرى و بناسى و صورتى ظاهرا اولديغنك بياننده در الباب الرابع عشر خطاط خانه و مدرسه‌لر و معلم‌خانه‌لر بياننده در و كيجه و كوندزلرى