الشيخ اسماعيل حقي البروسوي
فهرست 45
تفسير روح البيان
العبد المحتاج إلى مزيد الترقي الشيخ إسماعيل الحقي غفر ذنب وجوده بفضل اللّه وجوده معلوم أوله كه بوفقيرك والدي مصطفى أفندي استانبولده اقسراى محله سنده دنيايه كلوب صكره حريق كبير واقع أولد قده أثاث واشيالرى محترق ونظام حاللرى مختل ومنفرق أو لمغله اورادن هجرت ايدوب شيخم مرحوم سيد الأقطاب ( فضلى الاهى ) انك ابتدأ استخلاف أو لنديغى قصبهء آيد وسده توطن ايتملريله بوفقير حضرت شيخك أوراده أيام اقامتنده مصطبهء وجوده وضع قدم ايدوب سنم اوچه بالغ اولدقده والدم بنى حضرت شيخ حضورينه كتوروب تقبيل يد ايتدررمش بوجهتدن كاهيجه - سن بزم اوچ ياشندن برى مريد يمزسك - دية بيورلدى . صكره اون ياشنه ايردكده ادرنه ده خليفهء أولى وذىالقرباتندن أو لأن ( سيد عبد الباقي ) أفندي خدمتلرينه تفويض اولنوب إرسال محاسن ايدنجه أوراده قراءت وكتابتد نصكره شيخم أو وقتده مدينهء فلبه دن استانبوله هجرت ايتمش بولنمغله أو جانبه قيام كوستروب داخل مجلس عالي اولدقده أو ساعت ده مبايعه يه أشارت ايدوب تلقين ذكر ايتدكد نصكره أصحابي عدادندن اولوب برمدت أوراده درس وخدمته مقيد ايكن بركون بعد الاشراق قاعدا خوابدهء سربجيب حرقه أو لمشكن كورد مكة حضرت شيخ باب حرمدن بيرون اولوب بوفقيرى أوراده كورد كلرنده - كل كورهيم سكابو طريقده استعداد كلمشميدر - دييه أشارت ايدوب بوفقير دخى واروب باشيمى مبارك ركبه لرى أو زرينه وضع ايدوب أو زانوب يأتدم انلردخى يد مباركلرينى جبهمه وضع ايدوب - هاسنك استعدادك كلمش هاسنك استعدادك كلمش - دييه ايكى كره بو وادى يى تكرار ايتدكده در عقب ( بسم اللّه الرّحمن الرّحيم ) ديوب سورهء فاتحهيى من الأول إلى الآخر أو قيوب من الرأس إلى القدم نفخ ايدوب - وار ايمدى سنى بروسهيه خليفه ايلدم - ديو بيورديلر . وأو وقتده مطول كتابي اوقنوردى بونفخد نصكره مطول أطول اولوب غيرى أيش ظهور ايتدى . وسن وسالم هنوز يكرميدن متجاوز ايديكه نفخ مذكور سببيله فتح إلهي واقع اولوب آيات وأحاديث أو زرينه تأويلات وتحريرات ايتمكه باشلدم . ووقت آخر ده دخى شيخ مشايخ الدنيا محى الدين العربي حضرتلرى ظاهر اولوب دهانمى پوس ايدوب فقير دخى اياغنى اوپدم بو سببدن دخى بشقه اسرار ظهور ايدوب شيخ عبد القادر كيلانى وإبراهيم بن أدهم وپيران طريقمزدن شيخ افتاده وحضرت هدايى قدس اللّه أسرارهم طرفلرندن دخى أفاده لر واقع اولوب . وأنبيا عليهم السلام دن ابتدأ حضرت آدم وصكره جناب نبوت صلى اللّه عليه وسلم ظهور ايدوب سر حال ومناسبت رجال منكشف اولدى چكلن آلام وشدائده دخى نهايت يوقدر زيرا مقدم لأجل التمهيد بلاد روميه دن بلدهء اسكوبه استخلاف اولنوب اطرافده اون سنه قدر دورد نصكره بروسهيه نقل اولنوب مدت قليله مرورنده فتن دين ودنيا ظهور ايدوب حصرت شيخ دخى قلعهء ما غوسهيه اقصا أو لنمغله بزدحى جان كتدى بدن نه طرورزدييه أول طرفه كمر بستهء عزيمت اولوب وصولمزدن برقاچ كون